主页 > D生活化 >《开季求购不果 依刻嘅车路士仲需要鲁加尼吗?》 >

《开季求购不果 依刻嘅车路士仲需要鲁加尼吗?》

2020-05-27


《原创文章 欢迎转载 请列明出处 谢谢》-请支持蓝狮 Facebook专页-《开季求购不果 依刻嘅车路士仲需要鲁加尼吗?》 按此观看图片 .图片来源 : The Sun鲁加尼,相信唔少球迷都经已忘记左哩个名,你仲记唔记得佢?季初沙利接掌车路士时,外界传出有向管理层交出一份收购名单,当中包括拿玻里两位旧部希古恩、佐真奴,以及祖云达斯嘅鲁加尼,但由于车路士同「老妇人」双方喺转会费上不断拉锯,最终交易告吹。时隔三个月,车路士以不败姿态站立英超前列,相反鲁加尼在斑马军团苦无上阵机会,去到一月份转会窗重开时,双方会唔会再比多一次机会大家?早于安玻里时代,其实沙利同鲁加尼经已有合作过,哩位意大利后卫阅读球赛能力强,二十出头年纪轻轻已经非常成熟果断,好多时比对手压迫下仍能冷静地交出决定,而且出脚时机拿捏得準确,喺预判同防守企位方面亦都做得好好,绝对可以话係一个「用脑踢波」嘅后防球员,而且喺当时沙利嘅体系下发挥得相当出色,完完全全融合到佢嘅战术风格,双方可以话係一拍即合。季初沙利初嚟报到,但好快就发现车路士后防嘅弊病,加利卡希尔同大卫雷斯转身迟缓速度亦唔够快,鲁迪加偶有专注力不足,基斯甸臣欠缺经验加上身形单薄,球员各自都有自身问题,加上防线整体年纪偏大,需要年轻新血补充提升活力亦係不争的事实。无疑各项防守能力平均嘅鲁加尼绝对係一个好好嘅目标人选,虽然球员曾经讲过希望係祖云达斯争取正选一席位,但至少今季仍难以实现。但自从斑马军团季初喺AC米兰重新购入邦路斯后,主帅艾历尼就以佢同基亚连尼作常任中坚正选,开季至今鲁加尼就只为「老妇人」喺意甲联赛同欧联一共上阵三场,什至有时连后备都无。当日二十出头嘅小伙子今日都经已廿四岁,缺乏实战经验对年青球员嘅成长无疑存在影响。当然,今日嘅「黑色三连星」亦不再年轻,要喺祖云达斯手上拎走鲁加尼绝对唔係易事,同时车路士仍有外借到爱华顿嘅苏马以及坐左喺后备席好耐嘅基斯甸臣哩两位年青球员喺度。未来车路士后防组合是进是退,就要睇沙利同球会管理层点安排...文章最后更新时间 : 19/11/2018 16:00《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持



上一篇:
下一篇: